ijo mi
toki! mi kule epiku Atawan, li meli sin pi pali musi. sina wile la, sina ken sona e mi!
tan mi
mi lon ma Alisona pi ma Mewika. sina ken sona e ni tan sitelen! ma Alisona li pona mute; lukin pona en ma pona en soweli pona mute li lon. ni li ma pi lukin mi:
pali mi
mi pali e ijo mute! ken la, sina sona e mi tan ante ilo pi poki kalama, anu sona pi musi VVVVVV, anu pali musi pi kalama musi. ni li ijo pi pali mi:
wile sona pona
jan li pana ala e wile sona lon tenpo mute. ni la, mi lanpan e wile sona la, ona li pona. ona li wile sona pona!
- W: tan seme la lipu ni li lon?
S: mi wile jo e ma tawa ijo pi pona mi. ken la jan li pilin ala tawa ona, taso mi awen pana tan pona!
- W: tan seme la lipu ni li ike mute tawa lukin?
S: mi sona ala e nasin pona. mi ken kama sona, taso ni li kepeken pali mute... pali li ike!
- W: tan seme la lipu ni li lon toki pona taso?
S: mi la, isipin lon toki pona li pona tawa lawa mi. mi toki pona la mi ken pana e pilin mi tawa lipu ni kepeken pona suli, tawa pona pi toki Inli.
- W: tenpo seme la sina toki e toki pona?
S: mi open kama sona lon tenpo suno wan pi tenpo mun luka wan pi tenpo sike 2020! (01-07-2020)
- W: toki pona la sina pona mute anu pona lili?
S: "pona mute" li lon ala toki. taso ona li lon la mi pona mute :)
- W: tan seme la sina lon ala pi ma pona?
S: tan mute; mi wile ala toki mute lon lipu, taso o awen sona e ni: ma pona pi toki pona li pona mute tawa kama sona pi toki pona!
- W: seme la sina pali e ijo mute?
S: mi tawa kulupu mute a. jan ante mute li ken sona e mi!
- W: sina olin e nimi isipin tan seme???
S: isipin li nimi pi pona mute! mi olin e toki pona tan ni: ona li ken weka e toki mute tan isipin mi, li ken wan e sona lon lawa mi. isipin li pali sama ni! ona li wan e sona pi nimi "pilin" pi nimi "sona" pi nimi "kon," li lili e sona ni, li pona e lawa mi.
S: mi ni!